Hver er tilgangurinn ?

Til hvers var þessi "góði" veiðimaður að drepa þessa seli ?  Er þetta ekki í sömu sveit og menn stærðu sig af því að hafa drepið 70 refi um daginn ?
Eru strandamenn alveg orðnir frávita af drápsgræðgi ?

Skaut tvo stóra útseli

Athugasemdir

[GS (IP-tala skráð) 15.9.2007 kl. 15:45]

Eins og ég hef sagt áður, skemmtileg veiði og prýðisgóður matur. Ég trúi ekki að öll karlmennska sé farin úr íslendingum og þeir orðnir mis miklir feministar!

[Eggert J. Eiríksson, 15.9.2007 kl. 17:19]

Ég hef aldrei drepið dýr nema frá er talinn fuglinn sem kötturinn kom með lemstraðann inn og ég er samt sammála síðasta ræðumanni, hvar er karlmennskan? Er fótboltatrú nóg?

Sel hef ég ekki smakkað en elska alla villibráð og vitiði  hvað,  kjötið kemur ekki bara úr kjötborðum Hagkaupa og Bónuss  

[Ásbjörn S Arnason (IP-tala skráð) 15.9.2007 kl. 17:55]

Selur hefur verið veiddur frá örófi alda þetta er hinn besti matur og ekkert að því að borða hann frekar en hrygg af t.d lambi.  Þar fyrir utan að veiða seli ef þeir eru nýttir til átu er bara gott mál er á móti öllu drápi ef kjötið er ekki nýtt.  Hvað þá heldur þegar  verið er að borga fyrir neðri kjammann af dýrinu af ríkissjóði til að hægt sé að fylgjast með rannsaka lífshætti selsins af hringorma nefnd.

Það sem svo er ekki nýtt til manneldis fer í refafóður oftast nær.

Svo getum við þakkað selnum fyrir hringormana í fiskum sem þarf að fjarlægja með ærnum tilkostnaði svo hægt sé að selja fiskinn til neytenda, fyrir utan þann óskunda sem selurinn veldur löxum og laxveiðimönnum.  

[halkatla, 15.9.2007 kl. 19:16]

Óskar, stórt knús

það er engin karlmennska fólgin í því að skjóta dýr í einhverju sporti - ég veit þó ekkert um það hvað bjó að baki hjá þessum fausk sem drap selina. Það eru bara lítilmenni sem fá eitthvað útúr því að skjóta dýr. Veiðimenn eru síðan viðkvæmastir allra fyrir því að fólk styðji ekki þetta áhugamál þeirra - því hef ég sko fengið að kynnast, það er væntanlega veiðieðlið?

[halkatla, 15.9.2007 kl. 19:17]

það bjargaði mér maður í dag sem heitir Óskar líka, þetta er sko æðislegt nafn sá gæti reyndar alveg verið veiðimaður, en ég ætla ekkert að ígrunda neitt um það, ef hann hefði ekki komið væri ég kannski föst uppá fjöllum ennþá, hehe.

[Óskar Þorkelsson, 15.9.2007 kl. 21:17]

veiðieðlið er töluvert ofmetið. Ég skaut allt sem hreyfðist hér fyrir um 20 árum eða svo og þar á meðal seli.. síðan gerðist það í hausnum á mér að ég ákvað að skjóta ekkert sem ég ætlaði ekki að éta sjálfur. Þessi ákvörðun leiddi til þess að ég fór ða huga að náttúruvernd og almennri virðingu fyrir náttúrunni sem slíkri. Ég er að vestan og hef verið til sjós og lands.. en að skjóta útsel bara til ða drepa hann finnst mér vera villimennska af háu stigi og sýna lágan félagslegan þroska þess einstaklings sem það gerði. Útselir eru farnir að vera sjaldséðir meðfram ströndum landsins og í ljósi þess er þessi verknaður enn grimmilegri í mínum augum.  Að drepa útselinn til þess eins að geta drepið refi líka er alger botn lífsins og sýnir enn minni þroska en ég hélt ða væri mögulegt í okkar dýrasnauða landi.

Takk Anna Karen.. má benda á að nafnið Óskar er írsk eða keltneskt að uppruna og þýðir í raun dýravinur.

[Ásbjörn S Arnarson (IP-tala skráð) 17.9.2007 kl. 16:27]

Hverju skyldi það sæta að Hringormanefnd greiði fyrir veidda seli ? Vísast
helgast það af því að þeir þykja engir aufúsugestir.
Var ekki, fyrir einhverjum vikum, verið að telja seli við landið og merktu
menn fjölgun. Vart er hann því í hættu.
Ég hefi oftlega til vestfjarða komið og margoft verið boðið selkjöt og get
staðfest að er herramannsmatur.
Það er mikill misskilningur, eins og skilja mátti á fyrri skrifum, að selur
væri aðeins veiddur til að koma sér upp agni til refaveiða
eða refafóðurs, eins og bréfritari leggur út af fréttinni um selveiðar
feðganna. Nóg er affallið frá sláturhúsunum til þess. Hann þykist
þess jafnframt umkominn að geta sagt til um hversvegna þeir veiddu selina.
Það þarf nú aldeilis innsæið til. Hann má nú tæpast ætla
öðrum að haga sér eins og hann lýsti sjálfum sér fyrrum, að vilja skjóta
allt kvikt, þar til hann sá ljósið og snérist til friðunar. Ekkert er
nema gott um það að segja, en ég tel þó meðalhófið affarasælast í þessu sem
og öðru, því hverskyns ofsamennska, eða krossferðir,
eru ekki vænlegar til árangurs, hvortheldur í trúarbrögðum eða einhverju

[Óskar Þorkelsson, 17.9.2007 kl. 16:56]

hverju skyldi það sæta Ásbjörn að bændum er greitt fyrir skottið af refum ?  Ekki drepur refur sauðfé eða hvað ?  Hringormanefnd er eins og svo margt annað frá  stjórnvöldum.. úrelt fyrirbæri með takmarkaðan tilgang.

Ég hef étið sel og er það kjöt ekkert sérstakt.. en það kom hvergi fram í fréttinni ða veiðimaðurinn mikli hafi skotið nokkur hundruð kílóa útsel sér til matar, enda mundu þessir tveir skrokkar duga veiðimanninum mikla í marga mánuði.. líklegast skildi þessi mikli veiðimaður selina eftir rotmnandi í fjörunni og sendi hægri hreifana til Hringormanefndarinnar til að fá fyrir skotunum.

[Ásbjörn S Arnarson (IP-tala skráð) 17.9.2007 kl. 22:08]

Ekki vantar sleggjudómana í málflutninginn.  Á eftirfarandi slóð má sjá hræin rotnandi í fjörunni.....Kenningin var kannski nógu góð til áróðurs ?

http://strandir.is/ 

[Óskar Þorkelsson, 18.9.2007 kl. 14:10]

flott að fá þennan link inn á Strandir !  Takk fyrir það.

Sleggjudómarnir komu ekki af ástæðulausu. Þetta var viðtekin venja og mikið vandamál við strendur landins eftir að umrædd hringormanefnd fór að gefa dúsur fyrir hreifana á dauðum sel.. menn hættu að nýta selinn en drápu hann og skildu eftir þar sem hann var skotinn og með afskorinn hreifa.

Eftir stendur spurninginn.. afhverju skaut veiðimaðurinn mikli útselina ?

[Ásbjörn S Arnarson (IP-tala skráð) 18.9.2007 kl. 16:52]

Það er misskilningur að greitt sé fyrir hreifana þeir eru víðast hvar á Vestfjörðum etnir á þorra og þá súrsaðir hinsvegar er greitt fyrir neðri kjálka selsins.

Ég geri nú ráð fyrir að menn hafi mannast og í mínum kunningjahópi er enginn sem nýtir ekki afurði veiðinnar,hvernig sem þetta kann að hafa verið áður.

ps.hér er beinn tengill sem sýnir að fráleitt voru selirnir skildir eftir rotnandi í fjörunni. 

http://strandir.is/index.php?option=com_content&task=view&id=4775&Itemid=2

[Óskar Þorkelsson, 18.9.2007 kl. 21:22]

Ásbjörn, Selum hefur fækkað töluvert við strendur landsins.  Ég hef undir hö0ndum skýrslu frá samtökum selabænda frá árinu 2002.

Hér er smá útdráttur úr honum :

Erlingur Hauksson svaraði: Útsel hefur fækkað verulega, en stofninn var 12 – 13.000 selir 1985. Síðustu talningar eru þannig; Árið 1995 samtals 8.500 selir, árið 1998 samtals 6.000 selir og árið 2000 samtals 5.000 selir. Landselsstofninn var lengi um 35.000 selir, en fækkaði síðan. Hefur þó staðið í stað síðustu ár en var 1995 samtals 15.000 selir og 1998 samtals 15.000 selir og verður næst talinn árið 2003. Erlingur taldi að hæfileg kópaveiði gæti verið um 10% af stofnstærð fullorðinna sela.

Svo enn og aftur spyr ég.. afhverju var veiðimaðurinn mikli af ströndum ða skjóta þessa seli ?

greinin í heild sinni er hér :

[url]http://64.233.183.104/search?q=cache:fJ0SpVkErzUJ:www.landbunadur.is/landbunadur/wgbi.nsf/Attachment/Selur-Samt/%24file/Selur-Samt.selab%2520FRETTABR%C3%89F%252012.ma%C3%AD%25202003.doc+hringormanefnd&hl=is&ct=clnk&cd=3&client=opera[/url]

[Óskar Þorkelsson, 19.9.2007 kl. 12:46]

Í fréttablaðinu í dag 19 september var viðtal við veiðimanninn mikla.. hann fékk 30.000 kall fyrir viðvikið og urðar síðan selina eftir viktun.

Viktunin var mikilvæg til að Hringormanefnd borgi dúsuna.
Tilgangur drápana er því augljós.. peningar !

[Aðalbjörg (IP-tala skráð) 19.9.2007 kl. 18:14]

Er það ekki nægilega góð ástæða? Úr því að verið er að borga fyrir þetta á annað borð þá get ég ímyndað mér að 30.000 kr sé búbót fyrir venjulegt fólk.

Spurning hvort þetta ætti ekki bara að vera hluti af mótvægisaðgerðum ríkistjórnarinnar þar sem skerðingin mun væntanlega hafa áhrif á fjölskyldu þessa manns búandi í sjávarþorpi á Íslandi.

[Óskar Þorkelsson, 19.9.2007 kl. 18:36]

frábær lausn Aðalbjörg.. drepum allt sem hreifist og látum Hringormanefnd borga fjölskyldum þar sem ekkert er við að hafa, dúsur fyrir drápin !!