ekki er ég hissa

enda hætti ég að fylgjast með frjálsum þegar Ben johnson var nappaður árið 1988. Frjálsar íþróttir á heimsmælikvarða er keppni í að nást ekki með sterana í rassgatinu !   Held mig við boltann enn sem komið er.

Marion Jones játar ólöglega lyfjanotkun fyrir rétti

Miðað við framferði israela..

.. á hernumdu svæðunum þá held ég að þeir mættu bara hverfa af svæðinu.. þeir hafa fyrirgert sínum rétti. Eru terror þjóð sem heldur milljónum manna í helgreipum óttans.

Annars er íransforseti bara að vinna sína vinnu.. hann er að ná stuðningi meðal múslima svæðisins og ætlar sér að gera Iran að því veldi sem það var hér eitt sinn.. USA er að kikna undan iraq og þá myndast vacuum á svæðinu sem Iran ætlar að nýta sér og hvað er betur til þess fallið en að losna við meinsemd mið austurlanda.. israel ?

Ahmadinejad vill frelsa „gervalla Palestínu“

Ég var ekki spurður !

En ef ég mundi fá að velja forseta þá mundi ég vilja halda Ólafi Ragnari sem forseta í lengstu lög !  Glæsilegur fulltrúi lands og þjóðar sem beytir sér fyrir mjög svo gagnlegum málefnum á alþjóðavísu. Hann hefur einnig kjark og þor til þess að stoppa lög frá alþingi sem hefðu verið landi og þjóð til hneisu ef þau hefðu náð fram að ganga.

Ólafur sittu sem lengst í forsetastól, það verður erfitt að finna arftaka þinn.

Tæplega 65% vilja Ólaf Ragnar áfram sem forseta

Ömurlegt !

Ég legg enn og aftur áherslu á að Benitez er með eindæmum leiðinlegur þjálfari. Hann virðist endalaust vera með einhverja útreikninga á vinningslíkum in the long run.. Hann byrjar með eitthvað tilrauna B lið sem var fyrirsjáanlegt að mundi ekki standa sig gegn Marseilles.. Riise á bekknum = klúður á vinstri kanti..  Sissoko = klúður á miðjunni. Crouch = alltaf klúður..

Afhverju er ekki byrjað með Riise Kuyt  og svo séð til hvort að kjúklingarnir fái séns ? Crouch á btw aldrei að fá að spila..

Mitt álit á liðinu.. gott lið með eindæmum leiðinlegan stjóra sem mun ekki vinna jack shit á þessu tímabili nema að hann fari að spila með sína sterkustu menn alltaf, í hverjum einasta leik nema að um meiðsli sé að ræða..

 Ég frábið mér komment frá mönnum sem hafa ekkert annað að segja en að Rafa viti betur .

Góður sigur hjá Chelsea og Celtic en óvænt tap hjá Liverpool

FF í ólgusjó

Þetta kemur ekkert á óvart miðað við framgöngu þeirra í síðustu kosningabáráttu og úr hverju flokkurinn er gerður.  Ég get ekki betru séð en að þeir sem styðji FF sé fólk sem kom úr gömlu flokkunum vegna óánægju og vegna þess að á það var ekki hlustað.  Þetta fólk fann sér farveg í FF sem tók á móti hverjum sem er opnum örmum svo framarlega að hann styddi stefnuskrá flokksins.

Sigurjónsmálið held ég að hafi vegið töluvert þyngra en stjórn FF vill vera láta.. brotthvarf Magnúsar af þingi.. rasistísk ummæli fyrir kosningar og hjá sumum eftir kosningar, innkoma Kristins H Gunnarssonar ( sem var mér óskiljanleg), Nýtt afl með jón Magnusson í broddi fylkingar var ekki styrkur til FF nema síður sé.

Að sjallarnir séu að veiða formanninn yfir til sín aftur er bara gamalt íhaldsbragð.. sundra og stjórna. Þetta ætti að vera mönnum í FF hvatning til þess að láta ekki undan utanaðkomandi þrýstingi og jafnframt hvatning til þess að gera hreint fyrri sínum dyrum varðandi innflytjendur og þá sem þeir eru viljugir til þess að taka við í flokkinn !

Frjálslyndir í ólgusjó

Deyjandi atvinnugreinar

Ég var að lesa grein í aftenposten.no í dag sem fékk mig til þess að hugsa um hvaða atvinnugreinar leggjast af á íslandi fyrir árið 2017. Tækniframfarirnar hafa gert nokkrar atvinnugreinar úreltar og hér er listinn minn og aftenpostens um þær atvinnugreinar sem leggjast af bráðlega.

 

1. Plötubúðir. Búðir skífunnar eru sem sagt orðnar úreltar miðað við það að salan á geisladiskum hefur hrapað undanfarinn ár. Ég spái því að þessi tegund búða eins og við þekkjum þær árið 2007 verða horfnar árið 2017.
2. Myndavélar með filmur og þar með framköllunarbransinn í heild sinni leggst af. Enginn kaupir vélar með filmur í dag nema einhverjir nostalgíu atvinnuljósmyndarar.  Hans Pedersen mun hverfa í þeirri mynd sem við þekkjum hann í dag sem framköllunarþjónustu.
3. Heimilistölvan, já þessi elska sem hefur þjónað mér í nær 20 ár mun vera fornaldartæki eftir 10 ár. Kjöltutölvurnar hafa í fyrsta sinn í sögu tölvunnar jafnað sölutölurnar við heimils tölvuna og mun fara fram úr innan skamms. Nýherji, EJS og allir hinir eru þegar farnir að bregðast við. Skoðið bara verslanirnar.. kjöltutölvur eru alls ráðandi í útstillingum í dag..
4. Dagblöð, útgáfa pappírsdagblaða mun leggjast af og eftir 10 ár tel ég að ekki verði mikið eftir af þeim nema þá einhverjir auglýsingabæklingar al la bonus og Krónan sem við fáum inn um lúguna.. far vel segi ég og sé ekkert eftir þeim, ég hendi alltaf fréttablaðinu og blaðinu ólesnu oftast nær.
5. Gay barir. Þessi tegund bara mun hverfa þar sem fólk sem er samkynhneigt verður algerlega orðið samþykkt í þjóðfélaginu eftir 10 ár. Hommar og lesbíur munu ekki þurfa að opna sína eigin bari til þess að vera samþykkt.. þau eru samþykkt nú þegar nema af einhverjum fornmanninum.

 

Endilega bætið við þennan lista ef ykkur bíður svo við að horfa.  Sumir mundu eflaust setja inn sjómennsku og farmennsku þar sem þessar atvinnugreinar munu verða fylltar útlendingum að mestu innan 10 ára en þær leggjast ekki af enda undirstöðuatvinnugreinar.

Minningarathöfn

Þar sem mín heittelskaða tölva er að gefa upp öndina mun verða haldin minningarathöfn á næstkomandi helgi. Laugardaginn 6 október kl 14.00 mun hún verða tekinn úr sambandi við líftaug sína.. rafmagnið og (súrefnisleiðslan) nettengingin.. mun verða aftengd skömmu áður.

Þeir sem vildu minnast hennar eru velkomnir að vera viðstaddir athöfnina á heimili mínu. Kaffi og öl í krús er á boðstólum..

Greftrun fer fram á Sorpu mánudaginn 8 október. Grefrunin fer fram í kyrrþey.

Þeir sem vilja minnast hennar eru beðnir um að skrifa nokkur orð hér í bloggið !

Rafael er samur við sig

Það er þessi aula hugsunarháttur sem mun koma í veg fyrir það að Rafa muni nokkurntíman vinna enska meistaratitilinn !  Hann hvílir heita menn reglulega og geta menn verið nokkuð vissir um það að ef þeir skora reglulega þá verði þeim skipt út fyrir einhvern kaldan.. við erum búin að tapa nógu mörgum stigum undanfarin ár á þessum fíflalega hugsunarhætti stjórans.

Rafael Benitez er að mörgu leiti frekar leiðinlegur stjóri, spilar leiðinlegan bolta og þótt hann nái árangri í útsláttarkeppnum er hann að klikka ílla í deildinni !

Menn eins og Torres eiga að spila hvern og einn einasta leik sem hann getur spilað og ekkert múður með það !

Benítez: Ekki öruggt að Torres byrji gegn Wigan

Góðar fréttir fyrir Liverpool

John Arne Riise er orðin frískur af þeim skaða sem hann hlaut á dögunum og urðu þess valdandi að hann missti af tveimur mikilvægum leikjum.

Hér er fréttinní norsku blöðunum í kvöld :

http://www.vg.no/pub/vgart.hbs?artid=166732

Það er alveg dagljóst miðað við frammistöðu liðsins gegn Porto í Champions league að liðið saknaði Riise sárt.

Blaðran sprunginn ?

Jæja það kom að því að blaðran mundi springa hjá Abrahamovitch..

Það er sjónarsviptir af þessum þjálfara og nú verður gaman að sjá í hvað chelskí er spunnið.. mun liðið spila áfram af sama krafti.. mun það leysast upp.. hver tekur við ?

Ég hallast að því að Cappello taki við chelskí og verði þar í um 18 mánuði..

Verð að viðurkenna að þessar fréttir kættu mig töluvert og græt ég ekki að Chelskí muni blæða í framtíðinni eftir framgöngu þeirra á leikmannamarkaði eftir tilkomu rússans um árið.. verðbólga á leikmannamarkaði heimsins er mest tilkomið vegna þess að rússinn fékk til sín leikmenn á hvaða bullverði sem er og markaðurinn fylgdi eftir eins og þægur krakki.

José Mourinho hættir sem knattspyrnustjóri Chelsea