Þetta voru góðar fréttir

Vonandi hverfur þessi flokkur þangað sem hann á best heima.. á byggðasafnið.

Framsóknarflokkur tapar fylgi í Suðvesturkjördæmi

Ríkisborgararétturinn snöggsoðni.

Þegar ég sá í Kastljósi í kvöld stúlkuna umræddu í spillingamáli Jónínu Bjartmarz.. þá sá ég að auðvitað átti að veita þessari gullfallegu og bráðgáfuðu stúlku ríkisborgararétt samstundis. Við áttum það á hættu að missa hana frá okkur til útlanda og kannski kæmi hún aldrei aftur.  Hún talar ágæta íslensku eftir einungis 15 mánuði svo auðvitað á að veita henni ríkisborgararétt.. hún fékk góðar einkunnir í háskólanum, auðvitað á að veita svoleiðis fólki forgang. Ung falleg og gáfuð..

Hvernig hefði þetta farið ef hún hefði verið málhölt, í meðallagi í útliti og með slæmar einkunnir ?

Heill sé nefndinni.

jafnréttið og spillingin

Menn ruku upp til handa og fóta þegar það spurðist út að unglingsstúlkur fyrir norðan heiða töldu það vera sjálfsagt mál að þvo þvott á sínu heimili og fannst með því að jafnréttinu hafi farið aftur. Tæp 30 % sögðu að það væri í þeirra verkahring að þvo þvottinn. Þvílík skömm er það.. Rauðsokkur og ultra feministar rifu í hár sitt í örvæntingu yfir þessum ósköpum og skildu ekkert í þessum hugarfarsbreytingum sem þær hafa barist fyrir í 30 ár að snúa við. Hvað skyldi nú hafa farið úrskeiðis hjá rauðsokkunum í árana rás ? Ekki get ég svarað því en það læðist að mér sá grunur að þessar stúlkur sem völdu það að þvo þvottin séu börn þessara rauðsokka og hafa alist upp við táfýlu og tuskulykt á sínu heimili ásamt meðfylgjandi tuði um hver á að gera hvað á heimilinu og bara fegnið nóg og séð að svona tuð leiðir ekki til neins og því sé bara best að taka það að sér sem maður kann best. ekki ætla þessar elskur að fara að skríða undir bílinn og skipta um dekkin og þess háttar.. enda er það karlmannsverk.. eða er það ekki ?

Spillingin í þessu þjóðfélagi á sér margar myndir og er eins fjölbreytileg og embættismenn og ráðherrar eru margir. núna brá svo við að Jónína Bjartmarz misnotaði sína aðstöðu og fékk tilvonandi tengdadóttur sinni íslenskt vegabréf eftir 15 mánaða dvöl á íslandi.. Jónína bar af sér sakir alveg sárhneyksluð og reið yfir því ða menn skuli vera að ræða þessa hluti nokkrum dögum fyrir kosningar.
Hún skyldi ekki þessi elska að allir hinir þurfa að bíða í 7 ár og fara að settum reglum á þessum 7 árum,
td að gleyma aldrei að sækja um innan 12 mánaða á hverju ári.. ef það gleymist í nokkra daga fram yfir er alltaf sú hætta fyrir hendi að viðkomandi verði hafnað. En þetta hefur ekkert að segja ef viðkomandi á framsóknarráðherra að og býr þar að auki inni á heimili hans með sitt lögheimili. Þá gilda aðrar reglur.. 15 mánuðir og íslenskur passi er í höfn.

Liverpool fer í úrslitin

Þetta fór eins og ég hafði spáð að liverpool mundi fara áfram í úrslitaleikinn en markatalan var ekki alveg rétt hjá mér.. en engu að síður þá hef ég haft bjargfasta trú á því að við færum alla leið.
Ég lagði leið mína í Ölver og var þar ásamt góðum félögum, chelsea og liverpool mönnum.  Mikil stemning og var sérstaklega gaman af því að ölver spilaði YNWA í karaoke eftir leikinn og tóku margir undir hástöfum.

Í leiknum sjálfum var gaman að sjá hvernig Riise var eins og kápa á Drogba og átti Drogba erfitt uppdráttar.. sem kannski þaggar niður í þessum vitleysingum sem segja að Riise sé ekki nógu góður fyrir lið eins og Liverpool.. Bara fastamaður í 6 ár núna.