Lítil saga frá Þorlák..

Þorláksmessukvöld 

Ég var frekar rólegur í gær á heilögum Þorlák.. en átti erindi í bæinn um kl 21.00 í gærkveldi.

Laugavegurinn var stappaður af fólki og bílum engin komst áfram ef þeir voru í bíl. Þeir sem voru fótgangandi gekk betur. 
Ég ók því Grettisgötuna og lenti þar í 30 mínútna stoppi vegna umferðar sem ekkert komst, hvorki áfram né afturábak.. eftir 30 mín komst ég lokst inn á Skólavörðustíg og ók upp á holtið. Á horninu við Hallgrímskirkju var ég í vafa hvort ég ætti að taka hægri eða vinstri beygju..og þvert gegn óskum konunnar þá ók ég til vinstri og ætlaði þá leiðina niður í norðurmýra þar sem ég á heima. Bergþórugatan var líka stopp.. en ekki vegna mikillar umferðar heldur hvernig menn leggja bílum með rassgatið út í götuna.. eins og fífl. 

 
En versti vandinn var samt sá að menn voru á risastórum amerískum pallbílum að þröngvast áfram á þessari götu sem varla ber venjulega bíla því hún er ekki einstefnugata.
Svo koma þessi fífl á 3 tonna 2.2 metra breiðum amerískum bílum á langmesta umferðartíma ársins í borginni og halda að þeir séu á Toyota Yaris. Þeir hreinlega gátu ekki mætt öðrum bílum á Bergþórugötunni.. 

Þegar loksins úr greiddist og ég búinn að eyða hátt í klst í að komast 2 km þá blasti við afleiðingar þessarar trukkavæðingar landsmanna.. brotnir speglar á vinstri hlið þeirra bíla sem lagt var við Bergþórugötu..  hreinsaðir af vegna þess amerískum ofvöxnum fyrirbærum er troðið inn í götur þar sem þessir bílar komast ekki og MEGA EKKI LEGGJA HELDUR. Þessir bílar eru skráðir sem trukkar og mega því ekki leggja í venjuleg stæði sem enn vekur þá furðu mína afhverju þessir aular eru að fara á þessum bílum niður í bæ á þessum degi ! 
Það væri gaman (ekki bókstaflega meint sem gaman) að fá að vita það hversu margir bíleigendur í þingholtunum og skólavörðuholti hafa orðið fyrir speglatjóni í gærkveldi ! 

En þetta er lýsandi dæmi um hugsunarhátt íslendinga almennt.. Ég skal, Ég vil og ég mun gera.. án tillits til annara í kringum þá. 

Gleðileg jól elskurnar mínar. 

Athugasemdir

[kop, 24.12.2008 kl. 11:17]

Gleðileg "rauð" jól, Skari.

Gaman að vera á toppnum um jólin.

YNWA

[Heidi Strand, 24.12.2008 kl. 11:21]

Það er best fyrir venjulegt fólk að halda sig heima á svona dögum.

Ég er búin að læra af reynslunni og sé að það hefur bara versnað.
God jul!

[Þorsteinn Ingimarsson (IP-tala skráð) 24.12.2008 kl. 13:05]

Hehe en aldrei eru þessir trukkar sektaðir fyrir að leggja ólöglega.

Óska þér og þínum gleðilegra jóla og farsældar á nýju ári.