sóðaskapur !!

ég hef ferðast mikið í sumar eins og sést hefur á mínu bloggi.. á þessum ferðum mínum um landið hef ég orðið vitni að ótrúlegustu hlutum.. plastflöskur svífandi út um glugga á bíl á leið til Rvk frá Selfossi.. rusl á tjaldstæðum.. sígarettustubbar bókstaflega út um allt á bílastæðum þar sem rútubílstjórar nota.. sjálfsagt eru þeir sekir.. en það sem fékk mig til þess að skrifa þetta og ætlaði ég að vera búinn að því í gær en nennti því ekki vegna þreytu.

Ég var á ferð inn í Landmannalaugar með gönguhóp og ók Dómadalsleið, rétt áður en Heklu vikurinn svarti og ægifagri endaði, mætti ég econoline og tveim öðrum bílum sem ég tók reyndar ekkert sérstaklega vel eftir.. en leiðsögumaðurinn sem var í ferðinni segir : Nei sko hann, tók allt draslið með sér og tróð því í bónuspoka.. og viti menn þetta var rétt hjá henni Rósu leiðsögumanni.. hann hafði tekið ruslið með sér í bónuspoka en HENGT ÞAÐ AFTAN Á ECONOLININN.. Þar hengju tveir bónuspokar fullir af rusli aftan á bílnum.. krækt á hjarir eða eitthvað svoleiðis.. ég spáði ekkert frekar í þetta og ók inn í landmannalaugar.. á leiðinni heim er ég einn á ferð og ek Hrauneyjar tilbaka og niður skeiðin.. og svo upp á Hellisheiði gegnum Selfoss.. í kömbunum var poki.. gulur bónuspoki, þétttroðinn í vegar kantinum... efst í kömbunum var annar bónus poki..  Hver haldið þið að hafi átt viðkomandi ruslapoka og... gleymt að henda þeim í ruslagám ?

Athugasemdir

[Lára Hanna Einarsdóttir, 24.7.2008 kl. 00:26]

Ég verð öskureið þegar ég heyri svona sögur! 

[Svanur Gísli Þorkelsson, 24.7.2008 kl. 00:50]

Bið að heilsa Rósu hinni glöggskyggnu leiðsögukonu svo fremi sem hún er Helgadóttir :)

[Óskar Þorkelsson, 24.7.2008 kl. 01:50]

ekki veit ég hvort hún er Helgadóttir.. en hún er búsett í París..

[Brynjar Jóhannsson, 24.7.2008 kl. 03:23]

Já og ekki nóg með það Óskar minn þá hefur þú líka ferðast inn á bloggsvæðið mitt og þar er nú nægur sóðaskapurinn orðin. Raunar er ein færslan orðin af tröllvöxnum ruslahaugi þrasræðna

Takk fyrir innlitið og velkomin í bloggvinahóp minn.  

[Óskar Þorkelsson, 24.7.2008 kl. 09:05]

Þakka þér Brynjar.. þessi færsla hjá þér er orðin talsvert löng og... já sóðaleg :)

[Sigurjón Þórðarson, 24.7.2008 kl. 09:31]

Hefur þú ekkert farið norður?

[Óskar Þorkelsson, 24.7.2008 kl. 09:34]

sæll Sigurjón, ég hef farið norður mörgum sinnum í ár,  en þá sem sölumaður ekki sem leiðsögumaður eða bílstjóri á rútu.  Hef stoppað á húsavík og þar er allt til fyrirmyndar, Akureyri er að verða "stór" og því smá sóðaskapur þar í miðbænum.. Sauðárkrókur er snyrtilegur bær hef aldrei orðið var við sóðaskap þar.