Eru svölur á íslandi ?

Ég skrifaði í fyrrasumar að ég hefði séð svölu fyrir utan blokkina hér á neshaganum.. viðbrögð við því voru lítil svo ég fór að telja sjálfum mér trú á að það sem ég sá hafi verið þröstur með þrýstiloftshreifil og óvenjulega flughæfileika..

En það fóru að renna á mig tvær grímur í gær, ég ók sem snöggvast út að Garðskagavita og þar sá ég aftur svölu. Ég og ferðafélaginn minn horfðum á hana í stutta stund og vorum sammála um að þetta væri ekki þröstur með þrýstiloftsmótor heldur fór ekkert á milli mála ða um svölu var að ræða.. tvískipt stélið og spíssaðir vængendarnir ásamt geysilega hröðu flugi sannfærði mig um að svölur séu komnar til lands ísa. 

Í kvöld var mér litið út um gluggann rétt í þessu og þá sá ég enn eina svölu.. 

Er einhver þarna úti sem getur sagt svipaða sögu ?  

Athugasemdir

[Heidi Strand, 17.5.2008 kl. 20:01]

Nei ég hef aldrei séð svölur á íslandi en sá turnsvalir á Ærö í danmörku í fyrra. Heimsóttum Søby og gamlan viti sem þar er. Það var svo mikið af svölum fljúgandi í kringum turninn. Þegar við komum niður komumst við að því að svöluhreiður héngu hringinn undir turnkantinum efst uppi. Þær eru háðar háum turnum og klettum fyrir hreiður sín og hér er lítið um kletta.

Hreiðrin eru eins og litlar djúpar körfur gerðar úr grasstráum, leir og skít frá þeim sjálfum og hreiðrin er eins og límt á steypuna. Við hittum fyrrverandi kennara sem fræddi okkur allt um þetta og meira til.

[Hólmdís Hjartardóttir, 17.5.2008 kl. 20:09]

Svölur sjást sem flækingar á Íslandi

[Lára Hanna Einarsdóttir, 17.5.2008 kl. 20:49]

Kíktu á þessa síðu, Óskar... með betri síðum um fugla. Hér sjálst svölur oft og þeir kalla þær flækinga eins og Hólmdís segir.

[Óskar Þorkelsson, 17.5.2008 kl. 20:59]

takk fyrir þessar upplýsingar Lára, ég sendi tölvupóst til þeirra með fyrirspurn.

[Lára Hanna Einarsdóttir, 17.5.2008 kl. 21:05]

Leyfðu okkur endilega að heyra hverju þeir svara. 

[Óskar Þorkelsson, 18.5.2008 kl. 11:07]

Það mun ég gera :)

[Óskar Þorkelsson, 19.5.2008 kl. 10:00]

Ég fékk svar frá síðunni góðu, maður að nafni binni svarar mér skilmerkileg.

Sæll Óskar, svölur eru algengir flækingsfuglar á Íslandi og bæði landsvala (sem þú lýsir) og bæjasvala hafa orpið hér á landi (landsvalan í all mörg skifti en bæjasvala 2x að ég held). Þrjár aðrar svölutegundir hafa sést hér á landi en það eru bakkasvala, brandsvala og klettasvala en klettasvalan er amerísk svölu tegund en hina koma frá Evrópu. Töluvert hefur borið á svölum nú í vor en þó ekkert óvenjulega mikið. Svölur sjást langmest í maðí og júní en hafa þó sést frá apríl og fram í október. Vona að þetta hjálpi þér aðeins.

Kveðja Binni




 

[Lára Hanna Einarsdóttir, 19.5.2008 kl. 11:28]

Takk fyrir þetta, Óskar.

Svo það hefur verið landsvala sem þú sást. En mikið svakalega eru til mörg afbrigði af svölum. Það væri gaman að sjá myndir af þeim öllum hlið við hlið til að sá muninn á þeim.

Gaman að þessu! 

[Óskar Þorkelsson, 19.5.2008 kl. 12:17]

svölur eru töff.. ég leigði eitt sin bóndabæ í noregi og þar var mýgrútur af þeim.. fljúgandi allan daginn inn og út úr hlöðunni.. það er sama svalan og ég sá hér .. 3 var sinnum.

En mikið væri það magnað ef þær settust að hér á landi.. skilyrðin fyrir því eru að batna með hlýnun jarðar geri ég ráð fyrir.