hæfir ökumenn ?

maður sér stundum aftanákeyrslu í umferðinni í Rvk. einn bíll ekur aftan á annan og er oft um hugsunarleysi þess sem á undan ekur að ræða..snarstoppað á aðrein til að kíkja á umferðina.. Shit happens.

Stundum heyrir maður um 3 bíla í svona aðstæðum og þá fer maður að hugsa hvað var að hjá manni í bíl númer 3 ?  Var hann að stilla útvarpið.. misst sígarettuna rétt áður í klofið á sér.. eða hreinlega alger sauður..

Svo les maður um 7 bíla árekstur á Bústaðavegi.  Þá er erfitt að finna afsakanir fyrir bíl númer 3-7.

Bremsuljós, þegar þau kvikna á bílnum fyrir framan þá er oftast skynsamlegast að bremsa líka.. Best er að hafa augun á bílnum fyrir framan bílkinn sem er fyrir framan mann sjálfan.. en guys.. 
7 bílar í einu.. þetta segir allt sem segja þarf um aksturshæfni ökumanna þessa lands.. 

Ég mæli með því að allir umræddir ökumenn fari í ökuhæfnispróf og ef þeir standast það ekki, þá á að taka af þeim teinið !!

Nokkrir bílar rákust saman á Bústaðavegi

Athugasemdir

[Atli (IP-tala skráð) 18.9.2007 kl. 14:47]

Mig langar að byrja á að útskýra þetta aðeins, þetta var ekki einn árekstur, heldur í raun tveir aðskildir.

Þannig var mál með vexti að á ljósunum (þessum við Karlakórinn, ekki við flugvallaveg) lendir jeppi (suzuki eitthvað) aftan á golf sem síðan rekst aftan í næsta bíl, þessir þrír fara síðan út á eyjuna til að gera tjónaskýrslur.

Svo eru greinilega allir svo forvitnir að það lenda þarna 5-7 bílar aftan á hvor öðrum.

[Óskar Þorkelsson, 18.9.2007 kl. 14:52]

takk fyrir þetta.. sem sýnir enn og aftur að ökumenn voru ekki með hugann við aksturinn .. ég meina hinir sem voru að góna á hinn áreksturinn

[Atli (IP-tala skráð) 18.9.2007 kl. 14:55]

Þessi sem var aftastur í seinni árekstrinum var ekki einu sinni byrjaður að bremsa, svo fólk var ekki alveg að fylgjast með, það er satt.

Það rétt sást á þessum þremur fyrstu, flestir hinir voru mjög illa farnir :P

[Jens Guð, 22.9.2007 kl. 23:32]

  Ég lenti fyrir nokkrum árum í 9 bíla árekstri á Miklubraut.  Ég náði alveg að bremsa áður en að minn bíll lenti aftan á næsta bíl á undan.  En þá ók næsti bíll á eftir mér aftan á minn bíl og henti mínum bíl á næsta bíl á undan.  Lögreglan mældi af samviskusemi út að ég átti enga sök á neinum árekstri.  Strákurinn á bílnum sem ók aftan á minn bíl var líka það heiðarlegur að hann játaði alveg og upplýsti að minn bíll hafi verið stoppaður áður en að hann klessti á bílinn minn.  Strákurinn var meira að segja svo heiðarlegur að hann bað mig með handabandi fyrirgefningar á að hafa ollið mínum bíl þeim skaða að bíllinn minn fór í klessu að aftan og framan.