ég vík ekki fyrir fólksbifreiðum

Ég vík ekki fyrir fólksbifreiðum á þessum örmjóu lélegu vegum fyrir utan veg númer 1 . ef fólksbifreiðin vill ekki víkja þá erum við bara stopp þar sem við erum á veginum.. rúta og flutningabílar hreinlega geta ekki vikið til að hleypa smátíkunum framhjá því vegirnir eru svo lélegir !  Þetta verða þeir að skilja sem aka um á smátík og mæta þessum stóru bílum.. smábíllinn 
verður að víkja sama hvernig aðstæður eru og hver á "réttinn" .

Vegkantur gaf sig undan rútu við Dyrhólaey

skotfóturinn hans Riise

 Riise er að hita upp all rækilega fyrir komandi tímabil og er skotfótur hans með afbrigðum markviss og skotfastur þessa dagana.. lofar góðu fyrir tímabilið að besti vinstri bakvörður í PL skuli vera svona heitur.

 

Sigur hjá Liverpool

Hver að verða síðastur...

Þetta lón mun verða minning ein innan örfárra ára..

En mikil ósköp er fallegt þarna.

Aðsókn að Jökulsárlóni alltaf að aukast

í hverju fólst hættan ?

í hverju fólst hættan ?  að þeir mundu blotna ?  eða voru þeir kannski inni í höfninni og voru þar af leiðandi í hættu vegna báta umferða ?  Hver veit, en ég á erfitt með að taka undir það að þetta hafi verið "stórhættulegt" athæfi.. í versta falli vafasamt.. en eflaust stórskemmtilegt.

Stórhættulegur leikur

munaði litlu

Þessi saga á ekkert skylt við umrætt slys enda þekki ég ekki tildrög slyssins en hún gæti alveg hafa gerst svona...

það munaði litlu að rútan sem ég var í á laugardaginn hafi rennt yfir einn hjólhestareiðmanninn í Grímsnesinu.  Ég var ekki að keyra sjálfur sem betur fer, heldur mun reyndari ökumaður sem heitir Bjarni. Þannig var að við sáum tvo hjólandi kappa sem voru sennilegast í samfloti en samt ekki víst miða við mismunandi viðbrögð þeirra við aðsteðjandi hættu á mjóum veginum.
Þannig var að við komum aftan að þeim á stórri 55 manna rútu og á móti kom flutningabíll fylgt af húsbíl (hrikalegir óskapnaðir þessir húsbílar). Fremri hjólreiðamaðurinn leit við og sá okkur og fór af veginum og við nálgumst hratt.. sá aftari.. fór þá bara fram úr þeim fyrri og fór inná akreinina okkar og bara snarræði Bjarna kom í veg fyrir slys.. sem að öllum líkindum hefði verið banaslys.  Ég efast um að viðkomandi hjólreiðamaður hafi áttað sig á þeirri hættu sem hann skapaði sjálfum sér og öllum þeim sem í rútunni voru því við mættum trukknum með jarðýtu á pallinum samtímis.. Tek það fram að viðkomandi hjólreiðamaður var úti í kanti fyrst.. 

Vegakerfið ber ekki umferð reiðhjólafólks því miður.. þetta fólk er í lífshættu vegna mjórra vega og oft vegna aksturslags fólks á kraftmiklum bílum þessa lands

Alvarlega slasaður eftir reiðhjólaslys

Skil ekki til hvers..

Til hvers er liverpool á eftir manni sem kemst ekki í lið MU ? Á hann að koma í stað Aurelío ? Ekki á hann að leysa Riise af því Riise hefur töluvert betra record en Heinze.. eða er Rafa bara að stríða sörnum ?

Væri nær að finna kantmenn ! 

Liverpool enn á höttunum eftir Heinze

hrokafull framkoma

Þetta er sennilega hrokafyllsta framkoma sem hægt er að hugsa sér.. þú ferð ekki á veitingastað og heimtar annan kokk.. hvað þá þinn eigin kokk.. ef þér líkar ekki veitingastaðurinn þá skaltu finna þér einhvern annan veitingastað eða hreinlega vera heima engum til ama.

Sting er búinn að vera sem listamaður og er bara í dag sorglegur miðaldra hrokafullur karl !

Sting mætti með eigin matreiðslumann á veitingastað

góðar fréttir

Ég hef aldrei skilið þetta mávahatur sem hefur viðgengist hér í borginni.. ég bý í nágrenni við tjörnina og sé þessa fugla daglega og aldrei fara þeir í taugarnar á mér. Þeir eru jú börn náttúrunnar og eru bara að reyna að bjarga sér við erfið lífsskilyrði.
Þegar Gísli Marteinn fór í drápsherferð sína fyrir síðustu borgarstjórakosningar þá hurfu síðustu dreggjar "sjálfstæðismannsins" í mér. Ég hreinlega fattaði ekki 
þennan málflutning sjálfstæðismanna um dráp á fuglum náttúrunnar þótt þeir færu í taugarnar á 
einhverjum smáborgaranum. 

Menn töluðu um að mávurinn sótti inn í borgina og að það væri ekki eðlilegur staður fyrir hann.. skoðum málið aðeins.. Reykjavik stendur á nesi við sjó.. hvar eiga mávar heima ? jú við strandlengjuna.. Ef reykjavík stæði þar sem Egilstaðir eru eða Selfoss þá má með sanni segja að mávurinn væri kominn út fyrir sitt "eðlilega" umhverfi en Reykjavík er örugglega innan heimkynna sílamávsins.

Sílamávurinn lætur sig hverfa

Athyglisvert !

alltaf gaman þegar svona fundur fréttist.. en það fór fyrir brjóstið á mér að þessi Gareth Wilson, sérfræðingur við British Museum skuli segja að þessi fundur sýni víðförli viðkomandi einstaklings sem þarna var grafinn.. munirnir konu úr flestum þekktum heimslutum þess tíma.. en víkingar voru fyrst og fremst verslunarmenn og því tel ég ekki líklegt að viðkomandi víkingur hafi ferðast til afghanistan heldur hafi hann stundað vöruskipti.. líklegast finnst mér að hann hafi aldrei farið út fyrir mörk norðurlanda þess tíma , skandinavíu, eystrasaltslöndin, UK og norður frakkland.

Eitt fór í pirrurnar á mér í frétinni.. það eru bandstrikin td í Eng-land og skart-gripum.. innsláttarvilla ?

Víkingafjársjóður finnst á Englandi

Dæmi um aksturslag sumra ökumanna úti á vegum..

 

Þar sem ég hef verið talsvert við rútubílaakstur í sumar þá sér maður ýmislegt sem fer í taugarnar á manni.

Fólk að þvælast fyrir úti á vegum er “vandamál”. Fólk ekur á “löglegum” hraða.. bara 20-30 kmh undir hámarskhraða svo erfitt er að klaga aksturslagið. Þetta fólk virðist oft vera ónæmt fyrir því hvað gerist fyrir aftan það og virðist hreinlega ekki vera í takt við þá umferð sem er á vegunum. Baksýnisspeglar eru fyrir þetta fólk til skrauts og nauðsyn til þess að koma druslunni í gegnum skoðun, spegillinn inni í bílnum er notaður sem snyrtispegill eða beint að baksætinu svo hægt sé að fylgjast með ormunum. Vandamálið er að vegirnir eru oft mjóir og hlykkjóttir svo framúrakstur er oftast ómögulegur á rútu og erfiður á venjulegum bíl, svo þegar maður kemur á 80-90 kmh aftan að svona fólki td í nágrenni við Laugarvatn eða á Þingvöllum þá lætur maður vita af sér með ljósunum.. en ekkert virkar.. fólkið bendir upp í fjall og horfir hvort á annað þess á milli gersamlega úr takt við umferðina.. hvað gerist fyrir aftan eða oft hvað gerist fyrir framan kemur því hreinlega ekki við.. umferðin er því óviðkomandi því þetta fólk er í fríi og friðhelgi einkalífsins nær inn í bílskrjóðinn skv hæstarétti.. blikkun.. nálgun með ógnandi rútuframendann aftan að bílnum hefur enginn áhrif.. þá grípur maður til örþrifaráða.. flautar ! Það er nú svo að sumir rútubílar hafa loftflautur.. aðrir væmiltítulegt píp.. ef um væmiltítulega pípið er að ræða þá horfir fólk kannski í baksýnisspegilinn og grettir sig í vanþóknun yfir truflun fjölskyldubíltúrsins.. en ef maður drynur yfir þau með loftflautu þá er fjandinn laus.. krakkarnir fara að grenja.. kerlingin sýnir fingur.. karlinn sem oftast er að keyra (því miður) hægir á sér.. eða í skelfingu gefur í eins og fífl í stað þess að fara út í kant og gera framúrakstur mögulegan.

Annað dæmi !

Ég kem akandi á fjallatrukk yfir Gjábakkaleið (lyngdalsheiði) að austan. 35 manns um borð og bíllinn er á skriði (þeir sem hafa meirapróf og aka um á stórum bílum vita hvað það þýðir), bíll nánar tiltekið grænn ekonolíne sér mig koma og fer inn á veginn sirka 100 metra fyrir framan mig.. og lullar bara áfram eins og ég hafi ekki verið til.. ekki séns að maðurinn hafi ekki séð þennan fjallatrukk sem er STÓR.. 3.7 m á hæð og vel ljósum búinn. Ég var á um 80 kmh og því varð ég að hemla harkalega, ekki nauðhemlun en harkaleg hemlun. Ég bölva í hljóði því vitleysingurinn hélt svo áfram fyrir framan mig á miklu lægri hraða en ég var á fyrir.. 40-50 kmh og þeir sem þekkja gjábakkaleið vita að framúrakstur þar á svona trukk er erfiður jafnvel þótt bíllinn á undan gefi séns. Ég í mínu geðvonskukasti (búinn að þvælast um hálendið allan daginn og orðinn lúinn) ek alveg upp í stuðara á ekonolíne bílnum og gef merki með ljósunum.. ekononline hefur stóra spegla, svo stóra að það er ekki séns að fíflið hafi ekki séð rútuna heldur tel ég að hann hafi ekki viljað “dóla” í ryki rútunnar og því svínað á mig til að vera fyrir framan.. en hann fattaði ekki þessi sauður að rútan kemst talsvert hraðar yfir svona þvottabrettisveg heldur en ekononline óbreyttur.. ég get séð greinilega í hans speglum að hann er að tala við einhvern við hliðina á sér.. ég var þess fullviss að hann væri að tuða yfir frekjunni í þessum andskotans rútubílstjórum sem allt þykjast eiga og eru bara almennt til óþæginda fyrir hin almenna bílstjóra.. en svo sá ég í hinn spegilinn hans.. hann var að tala við golden retriver hund.. OMG.. nú var Skara nóg boðið og hann þeytti loftflauturnar svo rolluræsknin í nálægum fjöllum þeittust yfir í næsta hérað með hraði.. karluglann í græna óbreytta ekonolínebílnum var gersamlega ónæmur fyrir þessari truflun.. ok.. sjóndapur heyrnaskertur og mögulega létt gjeggjaður (miðað við langar samræður við hundinn) ekki var útlitið gott.. svo kom björgunin eftir 10 km akstur á 40 kmh.. stór húsbíll kom á móti (merkilegt að sá óskapnaður hafi komið til bjargar) og ekonolíne bíllinn varð að aka út í kant til að gefa séns.. sennilega verið þeim fróma manni þvert um geð.. en við það þá setti ég loftflautun í gang aftur og karlinn með opinn glugga á því sem næst stöðvuðum bíl annað hvort “tók” eftir því að það var einhver annar á veginum en hann og sá hinn sami var á meiri hraða.. eða hann sá Bens merkið fylla út í baksýnisspegilinn og haldið að ég ætlaði að aka yfir drusluna hans og hann stoppaði og hleypti mér framúr..
Sögunni er ekki lokið.. ég ek svo inn á þingvallaþjóðgarð þar sem er 50 km hámarkshraði með réttu.. vegirnir hreinlega bera ekki meiri hraða.. ég er þar á 50-60 og er að teygja lukkuna á svona bíl.. þá birtist vinurinn skyndilega og fer framúr á töluverðum hraða á hlykkjóttum skógarveginum fyrir ofan þjónustumiðstöðina..

Hvað segir þetta okkur um aksturslag sumra íslendinga ? Tek það fram að flestir íslendingar aka vel og eru fyrirtaksökumenn en þessi tegund sem ég var að lýsa að ofan er óþolandi mannmörg í umferðinni.. ég tel um 10-15 % ökumanna eru af þessari tegund.