Óvart ?

Þetta sýnir bara enn og aftur viðbjóðslegar aðferðir ísraelsmanna gagnvart varnarlausu fólki.

Við eigum að slíta öllu stjórnarsamstarfi við þessa morðingjaþjóð sem allra fyrst því það er smánarblettur á íslensku þjóðinni að eiga samskipti við ísrael..  Ég krefst þess af Samfylkingunni að hún fari að gera eitthvað í því hið fyrsta..

Blóðbað á Gasasvæðinu

Athugasemdir

[Sigmar Þór Sveinbjörnsson, 16.4.2008 kl. 23:18]

ÉG  er þér innilega sammála þér Óskar Það á að slíta sjórnmálasambandi við þessa morðóðu menn, því fyrr því betra.

kv

[Hákon Halldórsson (IP-tala skráð) 17.4.2008 kl. 00:04]

Ég, líkt og þið, var ekki viðstaddur umrætt atvik en ég horfði á myndbandið hér á MBL sem sýndi ísraelskan skriðdreka skjóta á myndatökumann Reuters.  Mér fannst ein hlið á málinu sárlega vanta í þessa frétt sem er ansi veigamikil og hefur áður spilað stórt hlutverk í svona atburðum.  Það er nefninlega mjög auðvelt að sitja hér heima og gagnrýna og dæma, en prófið í eitt andartak að setja ykkur í spor áhafnar skriðdrekans sem skaut.  Allt sem þið sjáið er í gegnum lítil göt eða kíkjum sem sjá mjög þröngt svið af umhverfi sínu.  Í gegnum þessi göt þarf áhöfnin að vera fyrri til að sjá óvin sinn heldur en hann skriðdrekann.Versti óvinur skriðdreka er einn torséður maður með rakettu á öxlinni sem tekur svona dreka út í einu skoti, ef vel tekst til.  Svona rakettur eru gríðarlega öflugar og þegar hún er komin af stað er það of seint fyrir áhöfnina.  Þeir verða að vera fyrri til að skjóta mann með svona rakettu ef þeir eiga að lifa af.  Það er bara það einfalt.  Í myndbandinu var sagt að hann hefði verið nýstiginn út úr bílnum sínum og var byrjaður að mynda skriðdrekann.  En af hverju skjóta þeir þá fréttamann með myndavél sem er "bara" að taka mynd af þeim?

Jú, skoðið eftirfarandi myndir:

Hermaður með rakettu:
http://www.army-technology.com/projects/mbt_law/images/mbtlaw_1.jpg

Maður með myndavél:
http://www.mediachannel.org/images/shaffi1-111X111.jpg
http://www.diggersrealm.com/mt/archives/20070502/traitor-nbc-cameraman2.jpg

Svo eru þeir hissa að skriðdrekinn sá ekki að bíllinn var merktur með "TV" á húddinu.  Tveir möguleikar, þeir gátu ekki séð húddið vegna legu bifreiðarinnar eða að þeir sáu manninn með myndavélina á öxlina fyrst og tóku ekki sénsinn. Hvort tveggja þurftu þeir að gera úr mikilli fjarlægð.  

Eitt er ég allavega sannfærður um og það er að þeir gerðu það ekki að gamni sínu að skjóta úr aðalbyssu sinni á fréttaman með myndavél "bara af því". 

Fréttamenn eru ekki stikk-frí á átakasvæðum og ættu ekki að setja hermenn í þá aðstöðu að þurfa að taka skyndiákvörðun eins og þessa.  Nógu slæmt er það fyrir.

[Ómar Bjarki Kristjánsson, 17.4.2008 kl. 00:44]

Nei... þetta heldur engu.  Why ? Einfaldlega vegna þess að ísraelar skanna  svæðið svoleiðis úr  allskyns flugfarartækjum í "aðgerðum" sem þessum.  Flugvélar þyrlur, drones... just name it.  Þeir þekkja og vita afar vel af fréttabílunum. 

Fólk nefnilega gerir sér ekkert almennt grein fyrir, hve fáránlega ójöfn aðstaða aðila er í umræddu dæmi.  Það ná eiginlega engin orð yfir það. svo ójafnt er það.

[Hákon Halldórsson (IP-tala skráð) 17.4.2008 kl. 01:18]

Þú gerir þér væntanlega grein fyrir því að í skipulögðum sóknum herja nútímans verða enn fjölmörg tilfelli þar sem menn og farartæki verða skotin af samherja?  Þetta verður þrátt fyrir að "Flugvélar þyrlur, drones... just name it" séu að reyna að fyrirbyggja akkúrat það.

Ef svo ólíklega vildi til að Ísraelar væru með það á tandurhreinu hvar allir fréttamenn væru staddir á hverju einasta augnabliki, þá þyrfti samt skriðdrekinn að kalla inn til stjórnstöðva til að fá úr því skorið, sem tekur tíma sem þeir hafa ekki í þessari stöðu.

Þetta er slys, hörmulegt slys, rétt eins og þegar skriðdreki skaut svalirnar af Palestine Hotel í Bagdad á þeim degi sem hvað mestu bardagar geisuðu.  Þar voru tveir fréttamenn með myndavélar á öxlinni að "miða" á drekana sem komu yfir brú.  Það var verið að skjóta á drekana, þó ekki úr hótelinu, en liðsmenn skriðdrekanns sáu ekki hvaðan skotin komu og drógu ranga ályktun.

Ef þú vilt samt endilega trúa því að allir hermenn eru vondir, þá máttu svo sem halda því áfram fyrir mér, en að mínu mati er það einmitt svona fréttamennska sem ýtir undir þannig hugsun.

[Steinunn Helga Snæland, 17.4.2008 kl. 07:50]

Þetta er allt hið ömurlegasta mál, en hinsvegar vitum við öll að sjaldan veldur einn þá tveir deila.  Því miður hafa Palestínumenn á stundum, fylgt sínum málum eftir með hryðjuverkum, sem eru ekki af ólíkum toga, því sem Ísraelsmenn aðhafast nú.  Það réttlætir ekki gjörðir Ísraelsmanna, langt í frá, en það er eins og menn hafi fyrir margt löngu misst sjónar af "boltanum",- þ.e. að reyna að ná samkomulagi um landskika, sem geti verið öllum til góðs, og menn ekki með nefið ofan í hvors annars hálsmáli.  Það er fullljóst að þessi samfélög munu seint eða aldrei lifa í sátt, og því verður að skipta landinu skynsamlega upp, það er eina leiðin.  Alltof mörg líf hafa tapast í þessari firringu, og ég er sammála því að Alþjóðasamfélagið, að Íslandi meðtöldu, þarf að segja STOPP,- við báða aðila.  Ég sá afskaplega vel unnin fréttaskýringaþátt um þetta ástand í fyrra, frá BBC.  Báðar hliðar voru skoðaðar, og sér í lagi rætt við ungmenni.  Sorglega var, að þau höfðu mörg verið í "samvinnubúðum" sem ég man ekki lengur hvaða samtök settu á fót,- til að fá aðila til að kynnast og tala saman.  Þessi ungmenni höfðu eignast góða vini frá andspyrnusvæðunum, og voru þegar þarna var komið, miður sín af áhyggjum, útaf nýfundnum vinum, þegar þeirra eigið fólk var að varpa sprengjum/skjóta á mótaðilann.......Sorglegt.

[Óskar Þorkelsson, 17.4.2008 kl. 09:54]

svo ég svari Hákoni aðeins..

Þetta var ekki meira slys en hvað annað.  Israelar hafa hertekið, já HERTEKIÐ allar hæðir innan palestínu, hverja og eina einustu hæð hafa israelar tekið og horfa niður á palestinuarabana sem ekki eiga sér tilverurétt í augum israela.

Ég hef horft á dokumentarþætti frá svíþjóð, danmörku, noregi um ástandið og er alveg merkilegt að þeir þættir rata aldrei í imbann hér á landi. Öll þessi dokumentar um ástandið segja það sama.. israelar skjóta fyrst og spurja svo.. ef einhver er drepinn er hann alltaf hryðjuverkamaður.. ef margir eru drepnir þá er það einhverjum öðrum um að kenna en israel.. oftast Hamas ef það hentar þann daginn.. eða hisbollah hinn daginn. 

Þeir stoppa fólk í eðlilegum erindagjörðum og leita á því.. fólk þarf stundum að fara í gegnum 11 eftirlitsstöðvar til þess að geta náð í nauðsynjar eins og mat.. allt gert í nafni öryggis ísraels en er í raun ekkert annað en nauðgun á þjóð sem hefur verið hertekin og rekin burt frá eigin landi í hart nær 60 ár núna.. og svo finnst fólk á vesturlöndum sem styður ísraela án nokkurar gagnrýni..

Israel er morðingjaþjóð.

[Ómar Bjarki Kristjánsson, 17.4.2008 kl. 13:46]

Það var reyndar flugskeiti sem sprengdi allt í loft upp, samkvæmt vitnum.

[Hákon Halldórsson (IP-tala skráð) 17.4.2008 kl. 18:20]

Ómar, þetta var skotið úr skriðdrekanum sem banaði Fadel Shana og nærstöddum. Það var staðfest af krufningu hans í dag.  Ástæða þess að vitni töldu þetta vera flugskeyti er að þetta var 120mm APAM (anti personell-anti material) skot sem er skotið yfir skotmarki þar sem það springur niður á skotmarkið.  Ekki fallegt og frekar umdeilt vopn.  Fadel Shana hefur verið að mynda drekann úr um 1.8 km fjarlægð, en það er sú vegalengd sem svona skot fer á þeim 2 sekúndum sem liðu frá því að drekinn skaut og slökknaði á upptökunni.

Óskar, ég veit ekki hverju þú ert að svara með innleggi þínu, þar sem ég var hvergi að spyrja að neinu.  Ég er eingöngu að velta fyrir mér staðreyndum málsins í þessu tiltekna tilfelli.  Ég er áhugamaður um staðreyndir en ekki því sem fréttastofur matreiða ofan í okkur.  Ég hef hvergi tekið afstöðu í þessu, heldur fannst fréttin ákaflega einhliða og illa unnin þar sem fréttamenn reyndu að verja stöðu sína á vígvellinum, skiljanlega, en þeir verða líka að átta sig á því að þeir eru þátttakendur þegar þeir gera það og verða að hegða sér eftir því.  Þessi ungi maður tók það upp á sig að mynda skriðdrekann úr þetta mikilli fjarlægð frá stað sem þaðan sem árásir á Ísraelsmenn höfðu verið gerðar stöðugt þennan dag. 
Ég hefði talið það vera kennt í fréttamannaskólanum að það sé hættulegt á átakasvæðum og að gera sig ekki að skotmarki.  Ef hann þurfti endilega að taka þessa áhættu með líf sitt hefði hann betur gert það þegar aðrir áttu ekki leið hjá.

Ég hef lesið nokkur innlegg á síðum sem ræða þetta og þar hafa nokkrir fyrrverandi meðlimir úr skriðdrekaáhöfn ítrekað að þeir sjá ekki mun á rakettu byssu og myndavél úr svona mikilli fjarlægð.  Mér finnst athyglisvert að fjölmiðlar virðast vísvitandi ekki segja þessa hlið á sögunni þar sem mér finnst hún liggja í augum uppi og skýrir nokkur hörmuleg og óþörf tilvik.  Í stað þess barma fréttastofur sér og ítreka hve vel merktur bíllinn var og ýja að því að þetta var allt saman gert með ásetningi, bara svo þeir geti haldið áfram að valsa um ábyrgðarlaust í öllum kringumstæðum.  Afrakstur þess er aukið hatur og ranghugmyndir sem sést svo glögglega hér.

[Óskar Þorkelsson, 17.4.2008 kl. 19:42]

Hákon ef þú ert áhugamaður um staðreyndir.. þá ættiru að vita að þessi skriðdreki var staðsettur uppi á hæð.. þessi hæð er hertekin.. fólkið á veginum var þar í löglegum ernidagjörðum og því kemur það málinu bara ekki neitt við að áhöfnin í skriðdrekanum ákveður að slátra fólkinu algerlega að ástæðulausu. 

Þú segir að þú viljir ekki láta mata þig á fréttum frá fréttastofum.. hvar viltu þá fá fréttirnar ?  frá inanríkisráðuneyti Israels ?  Það er svona svipað og ef fólk í evrópu á árunum 1938-45 hlustaði á Göppels sem stórasannleika..

Hér eru engar ranghugmyndir á ferðinni enda erfitt að hafa slíkar nema þá að maður styðji morðingjaþjóðina Israel.

[Ómar Bjarki Kristjánsson, 19.4.2008 kl. 19:29]

Já, samkvæmt rannsókn á dauðaorsök mannsins var það "Flechette shell" 

Alveg óhugnalegt. 

Málesa um flechette shell hérna:  http://www.btselem.org/english/firearms/flechette.asp

Að mönnunum skuli yfiehöfuð detta í hug að nota þessa skelfingu segir nú sitt.

[Óskar Þorkelsson, 19.4.2008 kl. 20:05]

Þetta vopn er eins og svo mörg önnur sem israelar nota.. alger viðbjóður.  Þeir nota td riffilkúlur í fjölmenni sem haga sér svipað og klasasprengjur nema að þær senda frá sér nálar sem særa viðkomandi og drepa sjaldan.. hárfín nál stings á bólakaf í fórnarlambið og þarf viðamikla skurðaðgerð til þess að losa fórnarlambið við flísina..