Jóladagur að baki

Jæja þetta var góður dagur.. renndi austur til mömmu í borg í Grímsnesi og hitti þar bræðurnar. Tekið var á móti okkur með ekta heitu súkkulaði og rjóma ásamt marengsköku a la mamma. Þessu var ekki fyrr komið fyrir í magasekknum en hangikjötið og bláberjakryddaði lambahryggurinn var tilbúið. Við keyrðum á skaflinn og átum á okkur gat af úrvals hangiketi og lambahrygg... og svo kom eftirrétturinn.. heimalagaður ís, vanillu með súkkulaði, og púðursykur í stað strásykurs.. át minnst einn líter.. æðislegt.

Svo var ekið heim í fljúgandi hálku og skafrenning, reyndar var hálfgerð blindhríð um tíma á Hellisheiði en allt gekk vel. kominn heim með magann stútfullan af góðgætinu hennar mömmu.

Athugasemdir

[Heidi Strand, 25.12.2007 kl. 22:40]

Gott að heyra að matarlystin sé í lagi. Ég verð södd af öllum matarlýsingunum á ýmsum bloggsiðum. Synd að það fylgir ekki lykt með lýsingum á netinu.
Hvaða meðlæti hafið þið með hangikjötinu?

[Óskar Þorkelsson, 25.12.2007 kl. 22:50]

já matarlystin er góð þegar svona góðgæti blasir við manni.. hangikjötið fær sætan uppstúf með kartöflum, ora grænar og heimalagað rauðkál. íslenskt jólaöl.. malt og appelsín með.

[Anna Benkovic Mikaelsdóttir, 27.12.2007 kl. 22:55]

fékk brjóstsviða af hangikjötinu...