Lýðræðið sigrar hervaldið

Þetta er sögulegt í ljósi þess að hér er lýðræðið að sigra hervaldið. Herinn tók völdin eftir að ásakanir um spillingu Thaksins voru orðnar of háværar.  hér á landi hefur sést að hann sé sakaður um mannréttindabrot en það er kjaftæði eins og svo margt annað sem kemur í fréttum hérlendis af viðburðum í þessu margslungna og merkilega landi Taílandi. Thaksin hefur aldrei gerst sekur um mannréttindabrot nema ef ske kynni að það væru mannréttindabrot að láta bændur eignast jarðir á góðum kjörum og hagstæðum lánum ? 

Thaksin hefur vissulega auðgast á stöðu sinni líkt og íslenskir ráðamenn og bræður þeirra gera daglega hér á landi. en Thaksin hefir líka fært Taíland nær því að verða lýðræðisríki og iðnaðaríki og það ríki sem í raun ræður efnhagnum í indó kína.

Hvort það séu góðar fréttir að Thaksin hafi unnið kosningarnar er erfitt ða segja um, sérstaklega þar sem konungur Thaílands er ekki hrifinn af Thaksin og að öllum líkindum var það konungurinn sem fyrirskipaði valdaránið 2006 eða að minnsta kosti ekki skipt sér af því.. því orð hans eru lög og herinn hefði aldrei látið til skarar skríða ef konungurinn hefði sagt nei.

Það verður athyglisvert að fylgjast með því sem gerist í framhaldinu.. hvernig bregst herinn við ?  hvað segir kóngsi ? og hvernig bregst borgarastétt taílands við ?

 

Stuðningsmenn Thaksins unnu

Athugasemdir

[Sigurjón Þórðarson, 24.12.2007 kl. 13:38]

Gleðileg jól kappi.

[halkatla, 24.12.2007 kl. 13:46]

Gleðileg Jól Óskar, ég þakka frábæra bloggvináttu

[Óskar Þorkelsson, 24.12.2007 kl. 21:29]

takk sömuleiðis bæði tvö. Gangi ykkur sem allra best á nýju ári.