í Rayong, Khao Yai og fleira

29.3.2009 | 03:06

Þetta er stutt frásögn af síðustu dögum..

Hef heimsótt hindúamusteri á toppi á einhverju fjalli í Buri Ram.. daginn eftir fórum við svo í ferðalag til Khao yai þjóðgarðsins sem er skratti stór frumskógur sem er verndaður með kjafti og klóm.. enda mikil náttúruverðmæti þar, dýralíf og gróður..

http://www.dnp.go.th/parkreserve/asp/style1/default.asp?npid=9&lg=2

Þar stoppuðum við stutt því þetta er frekar dýrt svæði til að gista á , mikil aðsókn og svo þau svæði sem leift er að ferðast um á eru þéttsetinn túristum , þó aðalega frá thailandi.

Sáum þó slatta af dýrum en fáar myndir teknar því vélin mín ræður ekki við að taka myndir í rökkri í fjarlægð.

síðan ókum við daginn eftir í gegnum allan þjóðgarðinn til Rayong sem er í suðurhluta austur thailands kambódíumegin. Þar er ég nú í góðu yfirlæti á strandhóteli..

vonandi frjósið þið ekki í hel áður en ég kem heim ;)

Flokkur: Bloggar | Facebook

Athugasemdir

Gaman að fylgjast með ferðum ykkar, Óskar. Takk fyrir frásagnirnar.

Hér í Vesturbænum í Reykjavík var hvítt yfir öllu í morgun og sem ég sit hér og lít út um gluggann sé ég Esjuna, skjannahvíta niður að rótum. Það er ekkert tiltakanlega kalt, um 3 gráður í plús, og logn. Ég heyri nágrannana skafa og sópa af bílunum hér fyrir utan.

Vorið hlýtur að koma eftir páska.